Тошкент бозорларини кенг кўламли реконструкция кутмоқда

Тошкент. 13 ноябр. ЎзТАГ – Тошкент бозорларини кенг кўламли реконструкция кутмоқда, дея хабар беради Ўзбек телеграф агентлиги (ЎзТАГ).

Пойтахтдаги “Қўйлиқ”, Юнусобод бозорлари, “Авиасозлар” (собиқ “Кадишева”) ва “Қатортол” бозорлари реконструкция қилинади.

Хусусан, пойтахтнинг Бектемир тумани ҳокими Сарвар Махаметовнинг Podrobno.uz ЯАга айтишича, “Қўйлиқ” бозорини кенг кўламли реконструкция қилиш кейинги йилнинг бошида бошланади ҳамда ҳам кийим-кечак, ҳам озиқ-овқат бозорларини қамраб олади.

Тошкентнинг Юнусобод тумани ҳокими Шавкат Азимжоновнинг сўзларига кўра, Юнусобод бозорида “сабзовотлар павильонини тўлиқ ёпиш кўзда тутилмоқда, яъни савдо расталари ҳавони вентиляция қилиш ва совутиш тизимига эга бўлган бинода жойлашади”.

“Авиасозлар” бозорида эса кийим-кечак ва озиқ-овқат павильонлари ўзаро ажратилади, иккиқаватли эски савдо мажмуи капитал таъмир қилинади ҳамда замонавий автомобиль турар жойи қурилади.

Агентликка Чиланзор тумани ҳокими Сайфулла Аҳмедовнинг айтишича, “Қатортол” бозори ёнидаги кўчани кенгайтириш режалаштирилмоқда. Чунки ҳозирда кўчанинг торлиги бу ерда автомобиллар тирбандлигини юзага келтирмоқда.