Тошкент Чимёни МДҲ ва яқин хорижнинг унча қиммат бўлмаган топ-10 тоғ-чанғи курортлари рўйхатига кирди
Тошкент. 23 декабр. ЎзТАГ – Тошкентнинг Чимёни МДҲ ва яқин хорижнинг унча қиммат бўлмаган топ-10 тоғ-чанғи курортлари рўйхатига кирди. Рўйхат Travel.ru туристик хизмати томонидан Forbes билан ҳамкорликда тайёрланган, деб хабар беради Ўзбек телеграф агентлиги (ЎзТАГ).
Маълумотга мувофиқ, Чимён рейтингнинг 7 поғонасидан жой олди.
“Ўзбекистоннинг энг оммабоп тоғ-чанғи курортлари Чимён ва Белдерсой бўлиб, бир-биридан 4 км масофада жойлашган. Бу ерда мавсум ноябрдан майга қадар давом этади. Курортлар тоғ-чанғи спорти ихлосмандларига тўғри келади. Чунки бу ерда бошқа кўргилочар машғолотлар йўқ. Лекин Тошкент (80 км) ва Чорвоқ гидроузелига экскурсияга бориб келиш мумкин. Чимённинг максимал баландлиги – 3309 метр. 800 метрлик слалом трассаси арқон-ўриндиқли йўл билан жиҳозланган ва ўрта қийинчиликдаги йўл тоифасига киради.
Бошловчи тоғ-чанғи спорти ихлосмандлари учун трасса (1500 м) бугелли кўтаргич билан жиҳозланган, бу ерда яна кўплаб 300-500-метрли қияликлар мавжуд”, - дейилади Forbes хабарида.
Икки кишига мўлжалланган дам олиш қийматига унча қиммат бўлмаган меҳмонхонада бир кун туриш баҳоси (Oktogo.ru сайтига кўра), чанғи йўлига бир кунлик чипталар ва январнинг биринчи ярмида кафеда тушлик харажатлари кирган.
Тошкент Чимёнидан ташқари топ-10ликка Белокуриха (Олтой ўлкаси) – $45, Логойск (Минск, Беларусь) – $47, Завьялиха (Челябинск вилояти) – $47, Красная сопка (Камчатка) – $47, Каракол (Бишкек, Қирғизистон) – $49, Шахдаг (Баку, Озарбайжон) – $52, Буковель (Украина) – $53, Бакуриани (Тбилиси, Грузия) – $57, Чимбулоқ (Алматы, Қозоғистон) – $95 ҳам кирган.
