Тошкент экспатлар учун дунёнинг энг арзон шаҳри деб топилди

Тошкент. 27 июн. ЎзТАГ – Тошкент экспатлар (хорижлик мутахассис-ходимлар) учун дунёнинг энг арзон шаҳри деб топилди, деб хабар беради Ўзбек телеграф агентлиги (ЎзТАГ) Mercer халқаро консалтинг компаниясининг маълумотларига таянган ҳолда.

Яқинда ушбу компания хорижий мутахассислар учун дунёнинг 209 шаҳрида яшаш қийматларини баҳолаб чиқди.

Рейтингда 1-ўринни олган Гонконг ҳам Осиёда, ҳам бутун дунёда экспатриантлар учун энг қиммат шаҳар бўлиб чиқди. Ундан кейинги поғоналарда Токио – 2, Цюрих – 3, Сингапур – 4, Сеул – 5, Луанда – 6, Шанхай – 7, Нжамена – 8, Пекин – 9 ва Берн – 10 боришмоқда.

Тошкент энг охирги 209 ўринни олди. Ундан юқорида Тунис, Бишкек, Банжул, Карачи, Блантайр, Тбилиси ва Минск жойлашган. Шундай қилиб, Бишкек (207) ва Тошкент (209) Марказий Осиёнинг экспатриантлар учун энг арзон шаҳарлари бўлиб қолмоқда.

Mercer рейтинги турар жой ижарасидан ташқари транспорт, кийим-кечак, озиқ-овқат маҳсулотлари, дам олиш ва бошқа кўплаб ҳаражатларни ҳисобга олган.

Сурат манбаи: http://btraveller.uz/destination/ecotours/