Тошкент кўчаларини ёритиш учун 232,16 мингдан зиёд светодиод ёритқичлар сотиб олинади

Тошкент. 27 ноябр. ЎзТАГ – Тошкент кўчаларини ёритиш учун 232,16 мингдан зиёд светодиод ёритқичлар сотиб олинади, деб хабар беради Ўзбек телеграф агентлиги (ЎзТАГ).

Бу Ўзбекистон президентининг “Ислом банки иштирокидаги “Тошкент шаҳри кўча ёритиш тизимига энергосамарали технологияларни жорий қилиш тўғрисида”ги қарорида кўзда тутилган.

Лойиҳанинг аниқлаштирилган техник-иқтисодий ҳисоб-китобларига мувофиқ, Ўзбекистон Республикасининг лойиҳага қўшадиган ҳиссаси $34,2 млнни ташкил этиб, бундан $15,8 млни божхона тўловларини тўлаш бўйича имтиёзлар бериш шаклида бўлади.

Ҳужжатга мувофиқ, Тошкент шаҳрида симобли ёритиш ускуналари ўрнига светодиод ёритқичлар ўрнатилади. Қарорда айтилишича, лойиҳа доирасида шаҳар кўчаларини ёритиш учун 232,16 мингдан зиёд светодиод ёритқичлар сотиб олинади.