“Тошкент-Рыбачье” йўналишидаги илк поезд Иссиқкўлга 23 мартда етиб боради

Тошкент. 8 феврал. ЎзТАГ – “Тошкент-Рыбачье” йўналишидаги илк поезд Иссиқкўлга 23 мартда етиб боради, деб хабар беради Қирғиз телеграф агентлиги (КирТАГ) пайшанба куни “Кыргыз темир жолу” МК ДК бошлиғига таянган ҳолда.

Хабар қилинишича, “Тошкент-Рыбачье-Тошкент” йўналишидаги доимий йўловчи поездининг қатнови жорий йил мартида бошланади. Тошкентдан жўновчи 455/456 рақамли биринчи поезд 22 мартда йўлга чиқиши белгиланган. Поезд Иссиқкўлга 23 мартда етиб боради.

“Тошкент-Рыбачье-Тошкент” поезди ҳафтасига бир марта пайшанба кунлари Ўзбек темир йўллари вагонлари билан қатнайди.

Поезд Тошкентдан 2017 йил 22 мартда йўлга чиқиб, Рыбачьега 23 март – жума куни етиб келади. Рыбачьедан эса 24 март шанба куни йўлга тушиб, Тошкентга 25 март якшанба куни етиб келади.

Таркибда 7 купе вагон, 3 плацкарт вагон ва вагон-ресторан бўлади.

Сурат манбаи: http://kommersant.uz/news/mezhdu-tashkentom-i-balykchi-nachnet-kursirovat-poezd