Тошкент ҳуқуқни муҳофаза қилувчилари томонидан ўқишга киришда ёрдам таклиф этган фирибгарлар далиллар билан қўлга олинди

Тошкент. 1 июн. ЎзТАГ – Тошкент Ички ишлар бош бошқармаси ходимлари томонидан ўқишга киришда ёрдам таклиф этган фирибгарлар далиллар билан қўлга олинди, деб хабар беради Ўзбек телеграф агентлиги (ЎзТАГ).

“Тошкент ш. ИИББ Жиноий қидирув бошқармасининг иқтисодий хавфсизлик ва коррупция билан курашиш бўлими ходимлари олган маълумотга асосан, Тошкент Давлат аграр университетининг собиқ ходими, хозирда республика касб ҳунар коллежларидан бирининг директор бўлган шахс, шунингдек, ушбу ОТМнинг 2 курс талабаси 6 минг АҚШ доллари эвазига ўқишга киришда ёрдам таклиф этганлар”, - дейилади хабарда.

Қайд этилишича, оператив тадбирлар ўтказишда гумондорлардни бири талаб қилинган пулнинг ярмини олиш пайтида қўлга олинган. “Қўлга олинганнинг кўрсатмалари асосида ишга иккинчи гумондор ҳам жалб қилинди”, - деб таъкидланади хабарда.

Пойтахтнинг Юнусобод тумани прокуратураси томонидан ушбу факт юзасидан йиғилган матариаллар асосида Ўз.Р. Жиноят кодексининг 168 ва 211 моддалари бўйича жиноий иш қўзғатилди.

Сурат манбаи: http://misionesonline.net/2015/12/14/cuatro-menores-demorados-por-robar-celulares-de-un-local-centrico/