Тошкент вакиласи “Голос” лойиҳасининг илк босқичидан муваффақиятли ўтди

Тошкент. 6 октябр.ЎзТАГ – Тошкент вакиласи, продюсер Арслон Камоловнинг синглиси Диана Шарапова Россия телевидениеси Биринчи канали “Голос” лойиҳасининг илк босқичидан муваффақиятли ўтди, дея хабар беради Ўзбек телеграф агентлиги (ЎзТАГ).

3 октябр куни хонанда лойиҳа эфирида Sam Brown Stop композициясини ижро қилди. Лойиҳа мураббийларидан (Александр Градский, Пелагея, Дима Билан ва Леонид Агутин – ЎзТАГ) фақат сўнггиси унга қайрилди.

“Болалигимдан бери унинг қўшиқларини севиб тинглайман. Менимча, бизнинг мусиқий дидларимиз бир-бирига мос келади”,- деди у Агутин гуруҳига тушиши билан.

Очиқ манбаларнинг маълумотларига кўра, Диана Шарапова 1983 йил октябрда Тошкентда таваллуд топган, бу ерда у Ҳамза номидаги Тошкент мусиқа билим юртини битирган.

Бугунда у Қозоғистонда истиқомат қилади ва В.И.А. “Негрлар” гуруҳининг аъзосидир.

Эслатиб ўтамизки, “Голос” лойиҳаси Биринчи каналда 2012 йил октябрдан бери чиқадиган вокал телевизион шоудир. Биринчи йили танловда Дина Гарипова ғолиб чиқиб, Россия номидан “Евровидение”да иштирок этди. Иккинчи йили эса шоуда Сергей Волчков ғолиб бўлди. Ҳар икки ғолиб ҳам Александр Градскийнинг шогирди.