Тошкент жаҳоннинг энг яхши шаҳарлари рейтингида Душанбе, Ашхобод ва Бишкекдан ўзиб кетди

Тошкент. 3 март. ЎзТАГ – Тошкент яшаш сифати бўйича жаҳоннинг энг яхши шаҳарлари рейтингида Душанбе, Ашхобод ва Бишкекдан ўзиб кетди. Ушбу йиллик рейтинг халқаро Mercer (Буюк Британия) консалтинг компанияси томонидан тузилган, деб хабар беради Ўзбек телеграф агентлиги (ЎзТАГ).

Тошкент ушбу рейтингда 230 шаҳар орасида 205-ўринни олди.

Ўз навбатида, Ашхабод рўйхатда 208-, Бишкек 210-, Душанбе 212- ўринда.

Ўзбекистон пойтахтидан фақат Қозоғистоннинг жанубий пойтахти Алмати ўзиб кетди холос (176-ўрин).

Mercer рейтингида Вена биринчи ўринни 7-марта эгаллади. Иккинчида швейцариянинг Цюрих, кейингида янгизеланд Окленди бормоқда. Энг яхши ўнталикка яна Мюнхен, Дюссельдорф, Франкфурт-на-Майне, Женева ва Копенгаген кирди.

Яман пойтахти Сана (228-), Банги (229-е) ва Боғдод (230-) ҳаёт сифати бўйича энг ёмон шаҳарлар деб тан олинди.

Эслатиб ўтамизки, рейтингда 10та мезон, жумладан, сиёсий барқарорлик, соғлиқни сақлаш, таълим, жиноятчилик даражаси, бўш вақт тақсимоти ва транспорт хизмати кабилар инобатга олинади.

Mercer рейтинги асосан йирик халқаро компанияларга мўлжалланган бўлиб, у ёки бу шаҳарнинг яшаш ва ишлаш учун қанчалик хавфсиз ва қулайлигини кўрсатиб беради.