Тошкент зоопаркидаги оқ кенгурулар сони кўпайди
Дата: 21:09, 16-10-2014.
Тошкент. 16 октябр. ЎзТАГ – Тошкент зоопаркидаги оқ кенгурулар оиласида яна бир кенгуру туғилди, дея хабар беради Ўзбек телеграф агентлиги (ЎзТАГ).
Бу ҳақидаги маълумот зоопарк сайтида эълон қилинди.
Пойтахт зоопаркида Беннет кенгурулари 20 йилдан бери муваффақиятли равишда сақланиб, кўпайтирилиб келинади. Ушбу йиллар давомида кенгуру насли бузилмаслиги учун бу ерга бир неча марта Рига (Латвия) ва Злин Лесна (Чехия) зоопаркларидан янги кенгурулар олиб келиб қўшилди.
Ҳозирда кенг вольерда тўрт кенгуру истиқомат қилмоқда, уларнинг биттаси кулранг бўлиб, қолганлари қордек оппоқ рангда.
Эслатиб ўтамизки, альбинослар Ўзбекистонга айнан Чехиядан келтирилган эди.
