Тошкентда 103 минг дарахт экилади
Дата: 15:58, 26-09-2017.
Тошкент. 26 сентябр. ЎзТАГ – 3 йил ичида пойтахт Тошкентда автомобиль йўлларини кўкаламзорлаштириш учун 103 минг дарахт экиш режалаштирилмоқда, деб хабар беради Ўзбек телеграф агентлиги (ЎзТАГ).
Бу Ўзбекистон президентининг 11 сентябрда қабул қилинган ПҚ-3262 қарорида кўзда тутилган бўлиб, унинг билан 2018−2020 йилларда автомобиль йўллари, жумладан, шаҳарларнинг умумий фойдаланишдаги автомобиль йўллари ва кўчаларини кўкаламзорлаштириш дастури тасдиқланган.
Жами 1,6 млндан зиёд дарахт ва бута кўчатларини ўтқазиш режалаштирилган бўлиб, бундан 782 мингтаси шаҳар кўчаларига экилади.
Кўкаламзорлаштириш ишлари Ўзбекистон Автомобиль йўллари давлат қўмитаси зиммасига юкланган.
