Тошкентда Ғалаба куни муносабати билан россиялик артистлар концерти бўлиб ўтди
Тошкент. 5 май. ЎзТАГ – Тошкентда Буюк Ғалабанинг 71 йиллиги муносабати билан россиянинг “Орнамент” ансамбли ва Мариинск давлат академик театри солисти Ирина Матаеванинг концерти бўлиб ўтди, деб хабар беради Ўзбек телеграф агентлиги (ЎзТАГ).
“Россотрудничество”нинг ваколатхонасидан хабар беришларча, “Орнамент” ансамблининг маҳоратли мусиқачилари ва Ирина Матаеванинг ижросида “Камаринская”, “Коробейники”, “На заре ты ее не буди”, “Не уходи, побудь со мною”, “Ах вы, сени”, “Валенки”, “Катюша”, “Синий платочек”, “Смуглянка”, “Подмосковные вечера” ва бошқа машҳур қўшиқлар янгради.
Тадбирга россиялик дипломатлар Россия Федерациясининг Ўзбекистон Республикасидаги элчихонаси Мудофаа масалалари бўйича атташеси девони, жамоат ташкилотлари вакиллари, меҳнат ва уруш ветеранлари, талаба ёшлар, ОАВ вакиллари ташриф буюрдилар.
Россиялик меҳмонлар меҳмондўст Тошкентга миннатдорчилик билдириб, келаётган Ғалаба куни билан табрикладилар.
Тадбир якунлангач, меҳмонлар пойтахтдаги Россия Фан ва маданият марказига концерт, шунингдек, Россия Федерацияси ва Ўзбекистон Республикаси ўртасидаги дўстликка қўшган ҳиссаси учун миннатдорчилик билдирдилар.
