Тошкентда анъанавий “Плеханов ўқувлари” ўтказилди

Тошкент. 4 феврал. ЎзТАГ – 2-3 февралда Тошкентда анъанавий “Плеханов ўқувлари” ўтказилди. Ушбу халқаро илмий конференция 18-маротаба бўлиб ўтди, дея хабар беради Ўзбек телеграф агентлиги (ЎзТАГ).

Ўзбекистон ССПдан хабар қилишларича, форум Г.В.Плеханов номидаги Россия иқтисодий университети филиалида бўлиб ўтган. У университет филиалининг 20 йиллиги ҳамда асос университет ташкил топганлигининг 120 йиллигига бағишланди.

Конференцияда ОЎМларининг профессор-ўқитувчилари, амалиётчи мутахассислар, илмий ходимлар, аспирантлар, тадқиқотчилар, иқтисодиёт нодавлат тармоғи вакиллари қатнашдилар.

Жорий йилда “Плеханов ўқувлари” 6 маърузадан иборат бўлиб, улар орасида “Иқтисодий фан ва таълим”, “Бозор иқтисодиётида меҳнат ва ижтимоий сиёсат”, “Иқтисодиёт рақобатбардошлиги: инновацион ёндашув”, “Жаҳон иқтисодиёти: тенденция ва истиқболлар”, “Молиявий-иқтисодий сиёсат ва молия институтлар” ва “Тадбиркорлик ва аграр тармоқ” каби йўналишларни ўз ичига олди.