Тошкентда қаровсиз ҳайвонларни оммавий равишда овлаш бошланади

Тошкент. 25 сентябр. ЎзТАГ – Тошкентда қаровсиз итлар ва мушукларни овлаш бўйича чора тадбирлар амалга оширилади, деб хабар беради Ўзбек телеграф агентлиги (ЎзТАГ) шаҳар ҳокимининг қарорига асосланган ҳолда.

“Йил бошидан бери 3527 киши уй ва кўча ҳайвонлари ҳужумидан жабрланди, улардан 1633 нафарини дайди итлар тишлади. Бу ҳолат касал ит ёки мушуклардан қутуришни юқтириб олиш хавфини туғдиради. Бундан ташқари вирус тишлаш ва иш сўлаги орқали ҳам юқиши мумкин. Бунинг учун у одам терисининг жароҳатланган ерига тушиши кифоя”, - деб таъкидлашди шаҳар ҳокимияти матбуот  хизматида.

Юқоридаги чоралар доирасида қаровсиз ҳайвонларни тутиш отрядларига фаолиятни кучайтириш ва куну тун иш тартибига ўтиш топширилди. 11 та бригада зарурат бўлганда қўшимча техника ва транспорт, ёқилғи-мойлаш материаллари, ҳайвонларни тутиш учун жиҳоз ва махсус ашёлар билан таъминлаш кўзда тутилмоқда.

Маълумот ўрнида, бутун ўтган йилда 10993 та, жорий йил 8 ойи мобайнида эса 7041 та ҳайвонлар тутилди. 2016 йили кўчаларда 740 та, бу йил эса 510 та ҳайвонлар жасади йиғиштириб олинди. Тутилган қаровсиз ҳайвонлар махсус питомникларда сақланмоқда.