Тошкентда асосий банк кўргазмаси бўлиб ўтмоқда
Тошкент. 14 апрел. ЎзТАГ – 13-14 апрелда Тошкентда IX ВаnкЕхро-2016 банк хизматлари, технология ва ускуналар миллий кўргазмаси бўлиб ўтмоқда, деб хабар беради Ўзбек телеграф агентлиги (ЎзТАГ).
“Кўргазмасавдомаркази” мажмуида икки кун давомида намойиш этиладиган экспозицияда мамлакатнинг 26 банки ўз имконият ва хизматларини намойиш этади.
Ўзбекистон Республикасининг 2016 йилги ижтимоий-иқтисодий устиворликларини ҳисобга олган ҳолда “Соғлом она ва бола йили” ва электрон савдога бағишланган бўлимлар тадбирнинг муҳим бўлимлари саналади.
Банклар билан бир қаторда кўргазмада суғурта, лизинг ва инвестиция компаниялари, молия муассасалари учун АТ ишланмалари яратиш билан шуғулланувчи компаниялар ҳам қатнашмоқда.
BankExpo-2016 2008 йилдан бери Марказий банки, Ўзбекистон Банклар уюшмаси ва Ўзбекистон Ахборот технологиялари корхона ва ташкилотлари ассоциацияси билан ҳамкорликда ўтказилиб келинади.
Эслатиб ўтамизки, 2015 йилда Ўзбекистон банк тизимининг ялпи капитали 2014 йил билан солиштирганда 23,3% ошди ва 7,8 трлн сўмга етди.
