Тошкентда австралиялик эксперт Людовик Петонинг экожурналистика бўйича тренинглари бўлиб ўтди
Тошкент. 9 декабр. ЎзТАГ - Тошкентда ЮНЕСКО кўмагида австралиялик медиа эксперт Людовик Петонинг экологик журналистика бўйича қатор тренинглари бўлиб ўтди, деб хабар беради Ўзбек телеграф агентлиги (ЎзТАГ).
ЮНЕСКОдан маълум қилишларича, эксперт ёш мутахассислар билан тренинглар ўтказиб, ОТМда қатор маърузалар қилди, шунингдек, Экоҳаракат ва ОАВ вакиллари билан учрашди.
Экологик журналистиканинг жамиятни атроф муҳитнинг долзарб муаммолари ва мавжуд муаммоларни ҳал қилиш йўллари ҳақида хабардор қилишдан иборатлиги асосий мавзулардан бири бўлди.
Хужжатли телевидение мутахассиси бўлган Людовик Пето экология мавзуларида фильмлар яратади. Унинг сўзларига кўра, ушбу йўналишда ишловчи журналистлар олимлар билан яқиндан ишлаши зарур.
Эксперт Экоҳаракат вакиллари билан учрашувда жамоатчиликнинг экология муаммоларини ҳал қилишдаги иштироки масаласи кўтарилди. Экоҳаракат раҳбари ўринбосари Саидрасул Сангиновнинг сўзларига кўра, бугунда мамлакатда 8,24 мингдан зиёд ННТ, 11 минг ўз-ўзини бошқарув органлари, 14 мингдан ошиқ ОАВ фаолият юритмоқда.
