Тошкентда автобусда ёнғин чиқди
Тошкент. 6 май. ЎзТАГ – Ўзбекистон пойтахтида йўловчи автобусида ёнғин чиқди. Ёнғин сабаблари аниқланмоқда, дея хабар беради “Газета.uz” нашри.
5 май куни эрталаб кичик Тошкент ҳалқа йўли бўйлаб “Тошкент” темир йўл вокзали ёнида 12 сонли маршрут бўйича қатновчи йўловчи автобусида янғин чиқди.
Орқа қисми ёнган Mercedes-Benz Conecto Low Floor автобусининг суратлари ижтимоий тармоқларда эълон қилинган.
“Газете..uz”га “Тошшахартрансхизмат” компаниясидан хабар беришларича, воқеа давомида жабрланганлар йўқ. Ёнғин сабаблари эса ўрганилмоқда.
Ҳодиса муносабати билан йўлда узундан-узун тирбандлик юзага келган, лекин жамоат транспорти учун айланиб ўтиш йўли ташкил қилинган.
Нашр ўтган йили ҳам автобусларда (уларнинг хаммаси Mercedes-Benz Conecto 0345 автобуслари бўлган) ёнғин чиққани ҳақида март, июнь ва август ойларида хабар қилганлигини ёзади.
