Тошкентда Бангладешлик рассомлар кўргазмасини ташкил қилиш режааштирилмоқда
Тошкент. 17 март. ЎзТАГ – Октябрда Тошкентда Бангладешлик рассомлар кўргазмасини ташкил қилиш режаштирилмоқда. Ушбу масала Бангладеш Республикасининг Ўзбекистондаги элчиси Мосуд Маннаннинг республика Бадиий академияси раиси Акмал Нуридинов (Акмал Нур) билан бўлган учрашувда муҳокама қилинди, дея хабар беради Ўзбек телеграф агентлиги (ЎзТАГ).
Бадиий академиядан хабар қилишларича, кўргазма Ўзбекистон ва Бангладеш ўртасида дипломатик муносабатлар ўрнатилганлигининг 20 йиллигига бағишланади.
Элчининг сўзларига кўра, кўргазма ғояси бир неча таниқли бангладешлик рассомлар билан муҳокама қилинган. Улар ўзбек ҳамкасб ва томошабинлари билан учрашувни интиқлик билан кутмоқдалар.
Томонлар ушбу йўналишда ҳамкорликни давом эттиришга тайёрликларини билдирдилар, чунки ушбу маданий алмашинувлар иккитомонлама ҳамкорликни ривожлантиришга кўмаклашади.
Учрашув доирасида элчи Мосуд Маннан академия, унинг таркибига кирувчи 12 лицей, 3 коллеж ва 1 институт фаолияти, шунингдек, давлат кўмагида ўтказилаётан халқаро тадбирлар, биеннале, конкурс, фестиваль ва кўргазмалар ҳақида хабардор қилинди.
