Тошкентда Биринчи жаҳон уруши бошланганлигининг юз йиллиги нишонланади
Дата: 11:26, 13-01-2015.
Тошкент. 13 январ. ЎзТАГ – 15 январда Ўзбекистондаги Германия, Франция ва Буюк Британия элчихоналари “Ўзбеккино” МА кўмагида “Бахтли рождество” бадиий фильмининг биргаликдаги намойишини ташкил этадилар, дея хабар беради Ўзбек телеграф агентлиги (ЎзТАГ).
“Фильм намойиши Биринчи жаҳон уруши бошланганлигининг юз йиллигига бағишланган. У Биринчи жаҳон уруши даврида, хусусан, 1914 йил декабридаги Рождество ярашуви деган ном остида тарихга кирган реал воқеалар ҳақида ҳикоя қилади. Картина инглиз, француз ва немис тилларида рус тилидаги субтитрлар билан намойиш қилинади. Кириш – бепул”, – деб қайд этишди Буюк Британиянинг Ўзбекистондаги элчихонаси матбуот хизматида.
