Тошкентда болалар учун ноёб картодром очилди

Тошкент. 17 июл. ЎзТАГ – Пойтахтдаги “Локомотив” паркида умумий майдони 1,2 минг кв. метр бўлган картодром очилди, дея хабар беради uz24.uz (http://uz24.uz/society/unikalyniy-kartodrom-dlya-detey-otkrilsya-v--tashkente) нашри.
Янги интерактив аттракцион “Ferrari Kart” деб номланиб, ўз йўллари, чорраҳалари, айланма йўллари, йўл қоидаси белгилари ва назоратчисига эга бўлган кичик шаҳарчадан иборат.
“Лойиҳачилар Ferrari kart ҳудудини ёпиқ айланма шаклида эмас, балки ҳақиқий ҳаракат кўчаларига қиёслаб қурдилар. Бу эса болаларга ҳайдов уқувларини ёшликдан сингдиришга кўмаклашади”, - деб қайд этишди парк вакиллари.
Шаҳарча транспортига келсак, аттракцион учун Голландиянинг Berg компаниясида ишлаб чиқарилган экологик тоза замонавий велокартлар танланди. Тошкент картодроми учун болаларга (50 кггача) ва катталарга (70 кггача) мўлжалланган Ferrari Berg моделлари олиб келинди.
Шунингдек, шаҳарчада американинг Razor компаниясида ишлаб чиқарилган Razor Crazy Kart ва Razor Go Kart моделидаги электрокарлар ҳам олиб келинди.
“Бундай аттракцион Тошкентда илк маротаба барпо этилди, юқорида келтирилган транспортлар ягона нусхаларда олиб келинган”, - деб таъкидлашди парк вакиллари.