Тошкентда болалар ва ёшлар учун немис ва ўзбек киноси фестивали ўтказилади
Тошкент. 20 апрел. ЎзТАГ – 3 майда Тошкентда болалар ва ёшлар учун “Шум бола 2017” немис ва ўзбек киноси фестивали ўтказилади, деб хабар беради Ўзбек телеграф агентлиги (ЎзТАГ).
Намойишлар Алишер Навоий номидаги кино саройида бўлиб ўтади. Тадбир Гёте-институт ва “Ўзбеккино” агентлиги томонидан “Шлингель” Халқаро кинофестивали (Хемниц, Германия) билан ҳамкорликда ташкил қилинган.
Фестиваль дастурига болалар ва ўсмирлар фильмларига ихтисослашган “Шлингель” Халқаро кинофестивали дастурига кирган немис фильмлари кирган.
Бундан ташқари, “Oyqiz Ertagi” янги ўзбек кинофильм эртаги ва ўзбек кино усталарининг анимацион фильмлари ҳам киритилган.
“Шум бола” фестивалининг рамзи ролини ёш ўзбек киноактрисаси, “Томоша” театр-студияси солисткаси Зебо Шарипова ўйнайди.
Тошкент фестивалининг меҳмонлари эса “Шлингель” Халқаро кинофестивали директори Михаил Харбауер, “Кўз даражасида” фильми продюсери Александра Прохазка, “Heidi” фильми режиссёри Ален Гспонер ва “Mullewapp” мультипликацион фильми режиссёри Тони Лойзерлар бўлишади.
