Тошкентда болаларга бағишланган янги кўргазма очилди

Тошкент. 25 март. ЎзТАГ – Тошкентда 24 март куни “Sen Yolg'iz Emassan” жамғармаси кўмагида аутизм билан оғриган болаларга бағишланган “Биз бормиз! Биз ёлғиз эмасмиз!” номли фотосуратлар кўргазмаси иш бошлади, дея хабар беради Ўзбек телеграф агентлиги (ЎзТАГ).
Кўргазманинг очилиш маросимида “Sen Yolg'iz Emassan” жамғармаси васийлик кенгаши ва Республика Болаларни ижтимоий мослаштириш марказининг (РБИАҚМ) раиси Лола Каримова-Тиллаева сўзга чиқиб, тадбир 2 апрел куни нишонланадиган Аутизм муаммолари ҳақида маълумотларни тарқатиш кунига бағишланганлиги таъкидлади.
Кўргазма экспозициясига тошкентлик фотосуратчиларининг 80 ошиқ ишлари кирган. Бугунги кунда РБИАҚМда аутизм била оғриган 100 зиёд болалар реабилитациядан ўтмоқда. Шундай қилиб, бу ер аутизм муаммоларини ўрганиш бўйича республика марказига айланган.
Жамғарма раҳбарининг сўзларига кўра, ушбу хасталик билан боғлиқ муаммолар республика кўламида манфаатдор давлат ва жамоат ташкилотларини жалб қилган ҳолда ечилиши зарур. Ўзбекистонда бу иш бошланган ва ушбу кўргазма – аутизм билан азият чекаётган болалар ва уларнинг оилаларини кўллаб-қувватлаш тизимини яратиш йўлидаги ҳаракатларни бирлаштириш томон қўйилган бир қадамдир.