Тошкентда чех ва словак мусиқаси концерти ўтказилади
Дата: 15:20, 19-11-2014.
Тошкент. 19 ноябр. ЎзТАГ – 29 ноябрда Ўзбекистон Миллий кутубхонаси катта залида “Studio Art” коллективининг собиқ Чехословакиядаги демократик ўзгаришларнинг 25 йиллигига бағишланган концерти ўтказилади, дея хабар беради Ўзбек телеграф агентлиги (ЎзТАГ).
Концерт Чехиянинг Ўзбекистондаги элчихонаси томонидан ташкил қилинмоқда.
Дипломатик ваколатхонадан хабар қилишларича, концертда чех, словак, ўзбек қўшиқ ва композициялари ижро этилади.
Концерт Прага, Братислава ва Тошкент кўринишлари акс этган иллюстрациялар намойиши билан бирга кечади.
