Тошкентда енгил атлетика бўйича очиқ чемпионат бошланди
Дата: 17:58, 10-02-2016.
Тошкент. 10 феврал. ЎзТАГ – Тошкентда 1994-1996 йилларда туғилган ёшлар ўртасида енгил атлетика бўйича ёпиқ иншоотларда ўтказиладиган Ўзбекистон очиқ чемпионати бошланди, деб хабар беради Ўзбек телеграф агентлиги (ЎзТАГ).
Енгил атлетика уюшмасидан хабар қилишларича, спортчилар 60 м, 400 м, 800 м, 1500 метрга югуруш, узунлик ва баландликка сакраш, ядро улоқтириш, бешкураш ва еттикураш, эстафета, тўсиқлар орқали югуриш ва бошқаларда беллашадилар.
Мусобақалар Республика олимпиа заҳиралари коллежи майдонларида ўтказилмоқда ва 12 февралгача давом этади.
Турнирда республиканинг барча вилоятларидан келган спортчилар қатнашмоқдалар.
