Тошкентда ЕТТБ Директорлари кенгашининг Корея Республикасидаги аъзоси билан учрашув бўлиб ўтди
Дата: 16:22, 03-03-2017.
Тошкент. 3 март. ЎзТАГ – 2 мартда Ўзбекистон Республикаси Олий Мажлиси Сенатида Сенат раисининг биринчи ўринбосари С.Сафоевнинг Европа тикланиш ва тараққиёт банки (ЕТТБ) Директорлари кенгашининг Корея Республикасидаги аъзоси С.Парк билан учрашуви бўлиб ўтди, деб хабар беради Ўзбек телеграф агентлиги (ЎзТАГ) Олий Мажлис Сенати матбуот хизматига асосланган ҳолда.
Бўлиб ўтган суҳбат чоғида томондар Ўзбекистон ва ЕТТБ ўртасидаги ҳамкорлик истиқболлари ҳақида фикр алмашдилар.
С.Парк Сеул ҳар доим Ўзбекистонга стратегик ҳамкор сифатида қарашини ва бундан буён ҳам Банк линияси бўйича зарур ёрдамни кўрсатишга тайёр эканлигини таъкидлади.
