Тошкентда “Европани ҳис қил” кинофестивали иккинчи марта ўтказилади
Тошкент. 23 май. ЎзТАГ – Тошкентда “Европани ҳис қил” кинофестивали иккинчи марта ўтказилади, деб хабар беради Uzbekistan Today сайти.
Ўзбекистондаги Европа иттифоқи делегацияси июнь ойида Тошкентда (3-8 июнь кунлари), Самарқандда (4 - 8 июнь) ва Бухорода (4 - 8 июнь) иккинчи Европа кинофестивалини ўтказади. Унда жами Европа иттифоқининг 11 мамлакатидан 13 фильм қатнашади. Хусусан, дастурдан Словениянинг ажойиб экшн-комедияси, Испаниялик ижодкорлар томонидан олинган оқ-қора тасвирдаги арт-хаус услубидаги фильм, Латвиядан келтирилган қисқа муддатли мультфилмлар ва Польшалик режиссёрлар томонидан ишланган муҳаббат қиссалари ўрин олган. Хамма филмларга кириш еркин, деб ёзади нашр.