Тошкентда илк Политехника музейи очилди
Тошкент. 3 август. ЎзТАГ – Тошкентда илк Политехника музейи очилди, деб хабар беради Ўзбек телеграф агентлиги (ЎзТАГ).
“Музей шартли равишда икки қисм – экспозиция ва интерактив қисмларига бўлинган. Экспозиция бўлимида ташриф буюрувчилар ретро-автомобиллар ва қишлоқ хўжалик техникалари билан танишишлари мумкин. Шунингдек, бу ерда GM-Uzbekistanнинг барча моделлари, Ўзбекистон автомобил заводларининг макетлари ва уларнинг маҳсулотлари мавжуд. Маказий Осиёда муқобили бўлмаган 3D-mapping шоу ва “Кинетик шариклар” инсталляцияси ҳам бу ерга келганларда катта қизиқиш туғдиради”, - деб таъкидлашди “Ўзбектуризм” МК матбуот хизматида.
Шунингдек, бу ерга ташриф буюрганларни рақсга тушувчи роботлар, сирли Эйсм хонаси, ойнали лабиринт, “Интерактив пол” ва “X-box” ҳудудларида қизиқарли компьютер ўйинлари кутмоқда. Лекин булар музейда тақдим этилган экспонат ва аттаракционларнинг ҳаммаси эмас.
