Тошкентда импорт ёқилғи сотиш бўйича АЁҚШлар ишлай бошлади
Тошкент. 10 январ. ЎзТАГ – Тошкентда Jizzakh Petroleum қўшма корхонасининг импорт ёқилғи сотиш бўйича тўртта автоёқилғи қуйиш шахобчалари (АЁҚШ) ишлай бошлади, деб хабар беради Ўзбек телеграф агентлиги (ЎзТАГ) “Газета.uz”га асосланган ҳолда.
“Бошида шахобчалар Аи-95 (1 литри учун 8500 сўм) ва Аи-98 маркали (1 литри учун 9000 сўм) импорт бензини, шунингдек, дизель ёқилғисини (1 литри учун 8500 сўм) сотади”, - деб хабар беришди нашрга Jizzakh Petroleumда.
Бензин бир ойда бир бор етказиб берилади. Кунига резервуарларга қуйиладиган ёнилғи келтирилмаган, аммо корхона вакиллари станциялар куну-тун ишлаши ҳақида маълум қилдилар.
Jizzakh Petroleumнинг АЁҚШ Яккасарой туманининг Қушбеги даҳаси, Юнусобод туманининг Боғишамол, Аҳмад Дониш кўчалари, Олмазор туманининг Кичик ҳалқа йўли кўчасида жойлашган.
Эслатиб ўтамизки, апрел бошида Жиззах вилоятида қиймати $2,2 млрдга тенг нефтни қайта ишлаш мажмуаси қурилиши бошлангани хабар қилинган эди. Уни Jizzakh Petroleum ҚК бошқариши белгиланган. Мазкур ҚК “Ўзбекнефтгаз” (улуши 60%) ва Gas Project Development Central Asia (Gazprom International шўъба тузилмаси, улуши 40%) иштирокида тузилган.
Қурилишни 2021 йилда тугаллаш режалаштирилган.
$1=8139,00 сўм
Сурат манбаи: http://stroyka.uz/publish/doc/text138012_v_uzbekistane_organizuetsya_set_avtozapravochnyh_stanciy_torguyushchih_inostrannym_benzinom
