Тошкентда инвесторларга лойиҳаларни амалга ошириш учун участкалар берилди

Тошкент. 1 ноябр. ЎзТАГ – 30 октябр куни Тошкент шаҳар ҳокимиятида илгари кўриб чиқилган лойиҳаларни амалга ошириш учун инвесторларга ер участкалари ҳужжатларини топширишга бағишланган тадбир бўлиб ўтди, деб хабар беради Ўзбек телеграф агентлиги (ЎзТАГ).

Ҳокимият матбуот хизматининг хабар беришича, 6-8 сентябр кунлари Тошкент шаҳар ҳокими в.б. Ж.Ортиқхўжаев умумий қиймати 4,3 трлн сўмлик 90та инвестиция лойиҳаларини кўриб чиқди, булардан тўғридан-тўғри хорижий инвестициялар $294,5 млнни ташкил этади.

Танланган объектларнинг бир қатори Ўзбекистон президенти томонидан тасдиқланган. Кўриб чиқилган лойиҳалар орасида меҳмонхоналар, тиббиёт марказлари ва лабораториялар, ўқув юртлари, саноат корхоналари ва бошқаларни бунёд этишга қаратилган лойиҳалар бор. Уларнинг амалга оширилиши натижасида жами 12 мингга яқин иш ўринлари яратилади.

Лойиҳаларни 2018-2019 йилларда амалга ошириш кўзда тутилган.

Мисол учун, New Life Medical корхонаси Олмазор туманида Марказий Осиё минтақавий радиодиагностикаси марказини яратади, бу эса 3000дан ортиқ саратон касаллигига чалинган беморларга хизмат қилишга имкон беради.

Шунингдек, Швейцариянинг Swiss Lab компанияси томонидан Ўзбекистонда биринчи мустақил клиник диагностика лабораториясини яратиш режалаштирилмоқда.

Сурат манбаи: https://kursiv.kz