Тошкентда Ислом Каримов шарафига қайта номланган масжид очилди

Тошкент. 7 октябр. ЎзТАГ – Жума куни Тошкентнинг туманларидан бирида Ўзбекистоннинг биринчи президенти Ислом Каримов шарафига қайта номланган масжид тўлиқ таъмирдан сўнг очилди, деб хабар беришди РИА Новостига республика Мусулмонлар идорасида.

“Бугун жиддий реконструкциядан сўнг Ислом Абдуғаниевич Каримов номига қайта номланган “Ислом ота” масжидининг очилиш маросими бўлиб ўтди”, - деб таъкидлади агентликка идора вакили.

Унинг сўзларига кўра, масжидда 560 киши ибодат қилиши мумкин. Бинода кутубхона, таҳоратхода жойлашган бўлиб, имконияти чекланган кишилар учун ҳам ускуналар қўйилган. Кондиционерлар ҳам мавжуд.

Эслатиб ўтамизки, бундан олдинроқ Ўзбекистоннинг биринчи президентининг кичик қизи Лола Каримова-Тиллаева Facebookдаги саҳифасида масжидни қайта номлаш ҳақидаги қарор уламолар ва кенг жамоатчилик таклифига кўра амалга оширилганлигини айтиб ўтган эди.

Собиқ “Жўрабек” масжиди 1897 йилда қурилган бўлиб, 2015 йил баҳорда ёнғин натижасида тўлиқ ёниб кетган эди. Қайта тиклаш ишлари Каримова-Тилляева ва унинг эри бизнесмен Тимур Тиллаев тақдим этган маблағлар ҳисобига амалга оширилди.

Ўзбекистоннинг биринчи президенти И.Каримов 2 сентябрда 78 ёшда инсульт оқибатида вафот этган эди. У туғилагн юрти Самарқандда мусулмон анъаналарига мувофиқ дафн этилди.