Тошкентда Италиянинг Ўзбекистондаги янги элчиси қабул қилинди
Тошкент. 9 сентябр. ЎзТАГ – 8 сентябр куни Ўзбекистон Республикаси Ташқи ишлар вазири Абдулазиз Камилов Италия Республикасининг янги тайинланган Фавқулодда ва Мухтор элчиси Андреа Бертоззини қабул қилди, деб хабар беради ТИВ матбуот хизмати.
“Италиялик дипломат Ўзбекистон Ҳукумати ва халқига Ўзбекистон Республикасининг Биринчи Президенти Ислом Каримовнинг вафоти муносабати билан ўз мамлакати раҳбариятининг ҳамдардлик ва далда сўзларини етказар экан, И.Каримов мамлакатларимиз ўртасидаги муносабатларни ўрнатиш ва ривожлантиришда муҳим рол ўйнаганини таъкидлади”, - деб таъкидланади хабарда.
Мулоқот давомида Ўзбекистон-Италия ҳамкорлигини янада мустаҳкамлаш ҳамда унинг кун тартибини кенгайтиришнинг истиқболли йўналишлари юзасидан фикр алмашилди.
