Тошкентда хонанда Клавдия Шульженконинг 110 йиллиги нишонланди

Тошкент. 31 май. ЎзТАГ – Тошкентдаги Россия Фан ва маданият марказида (РФММ) хонанда Клавдия Шульженконинг 110 йиллигига бағишланган “Абадий нафосат овози” номли тадбир бўлиб ўтди, деб хабар беради Ўзбек телеграф агентлиги (ЎзТАГ).

РФММ маълум қилишларча, кўпинча ушбу аёл образи ҳарбий қўшиқлар билан боғланади, шу сабабли кеча жорий йил майда нишонланган Ғалабанинг 71 йиллигига бағишланди. 

Кечанинг асосини Клавдия Шульженко қўшиқларидан ташкил топган концерт дастури ташкил қилди. Улар орасида “Тўқ қизил рўмол”, “Агар уруш бўлмаганида”, “Сизнинг хатингиз”, “Фронтолди ўрмонида” ва бошқа қўшиқлар бор.

Концертда Алишер Навоий номидаги Давлат Академик катта театрининг етакчи солистлари Ўзбекистон Республикасида Хизмат кўрсатган артист Ольга Александрова, халқаро танловлар дипломантлари Анастасия Юдина, Лятифе Абиева, Рада Смирних, Надежда Банделет, Наталия Сараева ва Ульяна Семеновалар иштирок этдилар.