Тошкентда хусусий уйдаги ёнғин натижасида аёл киши вафот этди
Дата: 13:33, 14-01-2019.
Тошкент. 14 январ. ЎзТАГ – Тошкентда хусусий уйдаги ёнғин натижасида аёл киши вафот этди, деб хабар беради Ўзбек телеграф агентлиги (ЎзТАГ).
“2019 йил 12 январь куни Тошкент шаҳрининг Чилонзор туманида яшаган В.К. (исмли аёл)нинг уйида ёнғин содир бўлди”, - дейилади Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг хабарида.
Маълум қилинишича, кўрилган чоралар натижасида ёнғин ўчирилган. Оқибатда уйдаги 1,5 кв.м. майдонида кресло ёниб, зарар кўрган ва ёнғин ўчириш вақтида В.К.ни куйган ҳолдаги жасади топилган.
Тергов ҳаракатлари олиб борилмоқда. Ёнғин келиб чиқиш сабаби аниқланмоқда.
Сурат манбаи: https://24.kz
