Тошкентда кичик халқа йўлини таъмирлаш бошланди
Тошкент. 5 июл. ЎзТАГ – Тошкентда кичик халқа йўлини таъмирлаш бошланди, деб хабар беради Ўзбек телеграф агентлиги (ЎзТАГ).
“Тошкент шаҳрининг Давлат дастурига кўра таъмирланиши кўзда тутилган йўл ва кўчаларидан ташқари – кичик ҳалқа йўлининг Шота Руставели кўчасидан “Бодомзор” чорраҳасига қадар бўлган қисми ҳам – лозим бўлган жойларда ирригация лотоклари ўрнатиш ишлари билан биргаликда тўла таъмирланадиган бўлди”, - деб хабар қилади Автомобил йўллари давлат қўмитаси матбуот хизмати.
Шундан кейин таъкидланишича, “Тошкент шаҳар минтақавий йўлларга буюртмачи хизмати” давлат унитар корхонаси бу жараёнда буюртмачи сифатида, “Йўл лойиҳа бюроси” МЧЖ бош лойиҳачи сифатида ҳамда “Трансйўлқурилиш махсус пудрат” МЧЖ бош пудратчи сифатида қатнашмоқда.
“Ҳозирги кунда қурилиш ишлари жадал давом этмоқда. Жорий йилнинг ўтган иккинчи ярим йиллиги давомида эса пойтахтдаги 53,9 км узунликдаги йўл ва кўчалар таъмирланди”, - дейилади хабарда.
Қайд этиш зарурки, олдинлари пойтахт автойўллари таъмирининг буюртмачиси Тошкент маъмурияти ва туман ободонлаштириш бошқармалари бўлган бўлса, ҳозирда ушбу вазифани Умум фойдаланишдаги автомобиль йўлларини қуриш ва реконструкция қилиш дирекцияси бажармоқда.
