Тошкентда композитор Сулаймон Юдаковнинг 100 йиллигига бағишланган конференция ва концерт бўлиб ўтди
Тошкент. 20 апрел. ЎзТАГ – Тошкентда таниқли композитор, Ўзбекистон халқ артисти Сулаймон Юдаковнинг 100 йиллигига бағишланган конференция ва концерт бўлиб ўтди, деб хабар беради Ўзбек телеграф агентлиги (ЎзТАГ).
“Майсаранинг иши” операси ва “Насриддиннинг ёшлиги” балетлари каби ўзбек мумтоз санъати намуналари унинг номи билан боғлангани таъкидлаб ўтилди. Шу орқали Юдаков классик опера ва балет санъати ривожига катта ҳисса қўшди.
“Майсаранинг иши” операси Ўзбекистондан ташқарида ҳам кўплаб саҳналарда қўйилган. У 1959 йилда илк марта Алишер Навоий номидаги КДАТ саҳнасида қўйилганидан кейин опера премьераси Россиянинг қатор шаҳарлари, Душанбе (Тожикистон), Ашхабод (Туркманистон) шаҳарларида, шунингдек, Франция ва Польшада ҳам ўтказилган эди.
Эслатиб ўтамизки, Тошкентда 2008 йилдан бери композиторнинг хотира музейи ишлаб турибди. Унинг экспозицияси таниқли композиторнинг ҳаёти ва ижоди билан танишишга имкон беради.
