Тошкентда кураш бўйича электрон қўлланма тақдим этилди
Дата: 17:26, 05-03-2016.
Тошкент. 5 март. ЎзТАГ – Тошкентда Халқаро кураш уюшмаси томонидан ишлаб чиқилган “Кураш бўйича электрон қўлланма” тақдим этилди, деб хабар беради Ўзбек телеграф агентлиги (ЎзТАГ).
Ўзбекистон Кураш федерациясидан маълум қилишларича, электрон қўлланма миллий спорт турини янада кенгроқ тарғиб қилиш, кураш бўйича замонавий ва қулай воситаларни жорий этиш мақсадларида тақдим этилган.
Қўлланма кураш техника ва тактикаси, қоидалар ва бошқаларни ўз ичига олган. Электрон дарслик 50 ортиқ тилларда тайёрланган.
Дарсликдаги маълумотлар ўзбек, рус ва инглиз тилларида матн, фото-, аудио- ва видеоматериаллар шаклида тақдим этилган.
