Тошкентда меҳнатга ўртача ҳақ тўлаш Ўзбекистон вилоятларидагидан кўра 20-50% баланд

Тошкент. 23 август. ЎзТАГ – Тошкентда меҳнатга ўртача ҳақ тўлаш Ўзбекистон вилоятларидагидан кўра 20-50% баланд. “Ўзбекистонда бизнес юритиш қиймати (2016)” маърузасининг муаллифлари ана шундай хулосага келишди, деб хабар беради Ўзбек телеграф агентлиги (ЎзТАГ).

Маъруза БМТ Тараққиёт дастурининг (БМТТД) лойиҳаси доирасида тайёрланган.

Хусусан, 2016 йилнинг 1 январи ҳолатига Тошкентда меҳнатга ўртача ҳақ тўлаш миқдорлари келтирилган. Рўйхатдаги 44 мутахассислик бўйича энг кўп меҳнат ҳақини муҳаррирлар ($900), савдо вакиллари ($800) ва психологлар ($800) олишган. Шу билан бирга энг кам иш ҳақини котиблар офис-менежер ва савдо вакиллари олишган ($200-250).

Маърузада, экспертларнинг ҳисоб китобларига кўра, сўралаётган иш ҳақи амалдаги ойликлардан тахминан 30% кўп бўлган.

Эслатиб ўтамизки, ҳозирда мамлакатдаги энг кам иш ҳақи 130240 сўмга тенг. 1 октябрдан бошлаб ушбу кўрсаткич 149 775 сўмни ташкил этади.

Тан олиш керакки, маърузада аниқлаштириш учун вилоятлардаги иш ҳақи, Тошкентда меҳнатга ўртача ҳақлари қайси курс бўйича (расмий ёки норасмий) ҳисоблангани ҳақида аниқ маълумотлар йўқ.