Тошкентда “Минута славы” истеъдодлар шоусига кастинг бўлиб ўтди
Дата: 18:00, 22-07-2014.
Тошкент. 22 июл. ЎзТАГ – Тошкентдаги “Кинопром” кинокомпанияси офисида “Минута славы” телевизион шоусига кастинг якунланди, дея хабар беради Ўзбек телеграф агентлиги (ЎзТАГ).
Кастингда жами 15 зиёд киши қатнашди, улар орасида фокусчилар, жонглерлар, циркчилар, масхарабозлар, вокал усталари, гимнастлар, оригинал жанр артистлари, мусиқачилар ва бошқалар бор эди. Кўрсатилган чиқишларнинг кўпчилиги Биринчи каналга жўнатиш ва Москвадаги бирламчи кастингда қатнашишга муносиб бўлиб чиқди.
Кастинг қатнашчиларининг кўпчилиги машҳур бўлиш, танилишни мақсад қилишган, кимдир эса шунчаки Биринчи каналда чиқишни истаган холос. Лекин 12 ёшли гимнастикачи қиз Диана Акчурина эса ғалаба орқали 1 млн рубл ютиб олиб, бувисининг операциясига ҳақ тўлаш ниятида экан. Чиқишдан кейин унинг кўзларида ёш бор эди.
Эслатиб ўтамизки, биз бундан илгари Тошкентда “Минута славы” телевизион шоусига кастинг бўлиб ўтиши ҳақида хабар қилган эдик.
