Тошкентда муаллифлик ниқоблари кўргазмаси бўлиб ўтади
Тошкент. 14 январ. ЎзТАГ – 6 февралда тошкентдаги “Bonum Factum” галереясида Сергей Седухиннинг муаллифлик ниқоблари кўргазмаси бўлиб ўтади, деб хабар беради Ўзбек телеграф агентлиги (ЎзТАГ).
Галереядан хабар беришларича, экспозицияга суратчилар Феруза Некбаева ва Сергей Урунбаевнинг ишлари ҳам кирган. Улар суратлар орқали ниқобларнинг сирли ҳаётига ўз қарашларини билдирганлар.
Кўргазма муаллифи фикрига кўра, ниқобларни инсоннинг ташқи дунёси ва ички олами ўртасида кўприк дейиш мумкин.
“Замонавий дунё ниқоблардан юзни бежашда фойдаланган ҳолда, уларнинг аҳамиятини пасайтиргандек, салбий маъно бергандек кўринсада, қадим дунё ниқобларни ғайриоддий кучлар оламига йўл сифатида билган”, - деб таъкидлади муаллифлардан бири.
Эслатиб ўтамизки, кўргазма Monochrome Light Studio ва визажист Ирина Новикова кўмагида ташкил этилган бўлиб, 16 февралгача “Bonum Factum” кўргазмалар залида бўлиб ўтади.
