Тошкентда муаззинлар азонни овоз кучайтиргичлар орқали ўқий бошладилар

Тошкент. 7 ноябр. ЎзТАГ – Тошкентнинг қатор туманларида йирик масжидларда муаззинлар азонни овоз кучайтиргичлар орқали ўқий бошладилар, деб хабар беради Ўзбек телеграф агентлиги (ЎзТАГ) centralsaian.org нашрига асосланган ҳолда.

Ўзбекистонда сўнгги 10 йил ичида фуқароларнинг мурожаатлари сабабли азон масжидлар ичида ўқилди. Шунинг учун уни фақат ибодат қилувчилар эшитиши мумкин эди.

Тошкентдан олинган маълумотга кўра, ҳозирча азон масжидлардан 300-500 метр яқинликда эшитмоқда. Шу билан бирга, мусулмонлар ҳукумат яқин орада овозни кучайтиришга рухсат беришига умид қилмоқда. Маҳаллий ОАВ маълумотларига кўра, айни пайтда республиканинг бошқа вилоятлари – Андижон ва Фарғона вилоятларида ҳам муаззинларга ибодатга овоз кучайтиргичлар орқали чақиришга рухсат берилган.

Тошкентлик мустақил журналист Абдураҳмон Ташановнинг айтишича, Тошкент масжидларда азонни овоз кучайтиргичлар орқали фақат ой бошидан бошлаб айтилмоқда. У ҳокимиятнинг юқоридаги масала бўйича оғзаки ёки ёзма рухсати ҳақида аниқ маълумот йўқ.

Тошкентдаги масжидлардан бирининг имом-хатиби айтишича, имомлар ўзларининг ташаббуслари билан ибодатга овоз кучайтиргичлар орқали чақира бошлаганлар. Ҳокимият вакиллари ҳозирча республика масжидларида азон овозининг кўтарилишига изоҳ бермаганлар.

Расмий маълумотларга кўра, айни пайтда Ўзбекистонда 2037 та масжид мавжуд бўлиб, уларда 5000дан ортиқ имом ва уларнинг ўринбосарлари ишлайди.