Тошкентда навбатдаги ярмарка ва кооперация биржаси бўлиб ўтади
Дата: 17:28, 31-03-2016.
Тошкент. 31 март. ЎзТАГ – 5-8 апрелда Тошкентдаги “Ўзэкспомарказ”да йиллик Саноат ярмаркаси ва кооперация биржаси бўлиб ўтади, деб хабар беради Ўзбек телеграф агентлиги (ЎзТАГ).
Ташкилий қўмитадан маълум қилишларича, саноат ярмаркаси соғлиқни сақлаш, экология, таълим, спорт ва бошқа соҳалардаги ишлаб чиқарувчилар ўз маҳсулотларини намойиш қилади.
Ярмарка доирасида Ўзбекистон етакчи ташкилот ва компанияларининг тақдимотлари ўтказилиб, унда мамлакат саноатининг техник ва технологик имкониятлари намойиш этилади.
Ярмарка доирасида янги маҳсулотларни етказиб бериш, экспорт ва импорт қилиш бўйича шартномалар тузиш имконияти мавжуд.
