Тошкентда немис киноси ҳафталиги бўлиб ўтади
Дата: 16:44, 08-02-2017.
Тошкент. 8 феврал. ЎзТАГ – 8-16 февралда Ўзбекистон пойтахтида Тошкентдаги Гёте-Институт кўмагида немис киноси ҳафталиги бўлиб ўтади, деб хабар беради Ўзбек телеграф агентлиги (ЎзТАГ).
Гёте-Институт маълумотига кўра, бу “Янги Германиядан кино” туркумидаги иккинчи ҳафталикдир. Уни Томас Штубернинг “Герберт” фильми очади. Фильмда бош ролни ўйнаган Петер Курт энг яхши актёрлик иши учун “Deutscher Filmpreis 2016” мукофотини олган.
Кинотуркумни Себастьян Шиппернинг “Виктория” картинаси якунлайди. У 2015 йилда ғаройиб кинотажриба сифатида Немис киноакадемияси ҳакамларининг мақтовини олиб, нуфузли “Лола” киномукофотининг олти карра совриндори бўлди.
Ўзбекистонда барча фильмлар илк марта намойиш этилади.
