Тошкентда немис тили ҳаваскор театр гуруҳларининг фестивали бўлиб ўтади
Тошкент. 17 ноябр. ЎзТАГ – 18 ва 19 ноябр кунлари Тошкент Ёшлар театри биносида Ўзбекистоннинг немис тилида ҳаваскор театр гуруҳларининг анъанавий театри фестивали бўлиб ўтади, деб хабар беради Ўзбек телеграф агентлиги (ЎзТАГ).
“Wiedergeburt” Ўзбекистон немис маданий марказларининг Тошкент, Самарқанд, Бухоро ва Фарғонадаги тўрт ҳаваскор театр гуруҳлари аъзолари саҳнада немис тили спектакллар намойиш қиладилар. Юбилей фестивали Бухоро театр гуруҳининг ака-ука Гриммларнинг “Золушка” номли машҳур эртаги асосидаги пьесаси бошлаб беради. Самарқанддаги немис маданий маркази “Бахт – бу” пьесасини қўяди. Спектакль ақл, билим, пул киши ҳаётидаги энг муҳим бўлган нарсалар эмаслиги ҳақида ҳикоя қилади”, - дейилади Потребители.уз ҳамжамиятининг Фейсбукдаги саҳифасида.
Якшанба, 19 ноябрда Фарғона театр гуруҳи “Тўртбурчак дунё” спектаклини намойиш қилади. Унда адолат ҳамиша қарор топиши ҳақида сўз кетади. Тадбир якунида тошкентлик театр гуруҳи ака-ука Гриммларнинг “Бремен шаҳри мусиқачилари” эртаги асосидаги “Катта шаҳарнинг кичик воқеалари” пьесасини намойиш этади.
“Тадбир энг аввало Тошкентдаги мактаблар, коллеж, институт ва университетларнинг немис тилини яхши даражада билувчи талаба ва ўқувчиларига мўлжалланган”, - дейилади хабарда.
