Тошкентда немис ва ўзбек болалар киноси фестивали бошланмоқда

Тошкент. 28 апрел. ЎзТАГ – Ўзбекистон пойтахтида болалар ва ёшларга мўлжалланган “Шум бола-2016” немис ва ўзбек болалар киноси фестивали бошланмоқда, деб хабар беради пайшанба куни Ўзбек телеграф агентлиги (ЎзТАГ).

Фестиваль “Ўзбеккино” Миллий агентлиги томонидан Гёте институтнинг Тошкент филиали ва “Шлингель” халқаро кинофестивали (Германия) билан ҳамкорликда ташкил қилинган.

Ташкилотчиларнинг маълумотларига кўра, жорий йилда тадбир 28 апрел-1 май ҳамда 3-5 май кунлари Тошкентдаги Алишер Навоий номидаги Санъат саройи ва Фарғона шаҳридаги  Театр-концерт саройида бўлиб ўтади.

Томошабинлар болалар ва ёшлар учун “Шлингель” халқаро кинофестивали доирасида германиянинг Хемниц шаҳрида кўрсатилган фильмлар, шунингдек, ўзбек кинематографчиларининг анимацион фильмларини кўришлари мумкин.

Жорий йилда фестивални режиссёр Франк Штойенинг таниқли немис эртаги “Қарсилдоқ ва сичқонлар қироли”нинг янги версияси билант бошланади.

Барча фильмлар рус тилига таржима билан таъминланади.