Тошкентда ўнкегелли спорт боулинги бўйича Ўрта Осиё турининг тўртинчи босқичи бўлиб ўтади
Дата: 16:41, 18-06-2014.
Тошкент. 18 июн. ЎзТАГ – 26-29 июнда Тошкентдаги “The Bowler” боулинг-клубида ўнкегелли спорт боулинги бўйича Ўрта Осиё турининг тўртинчи босқичи бўлиб ўтади, дея хабар беради Ўзбек телеграф агентлиги (ЎзТАГ).
“Бундай катта мусобақа Ўзбекистонда биринчи маротаба ўтказилмоқда. Мусобақаларда нафақат ўзбекистонлик ушбу спорт тури усталари, балки Қозоғистон, Қирғизистон, Россия, Беларусь каби мамлакатлардан келган таниқли ўйинчилар қатнашадилар. Уларнинг кўпчилиги йирик халқаро мусобақаларнинг ғолибларидирлар”, - деб таъкидлашди Ўзбекистон Кегель спорти федерациясида.
