Тошкентда радиология бўйича конференция бўлиб ўтади
Тошкент. 20 ноябр. ЎзТАГ – Бугун Тошкентда радиология бўйича илмий конференция бўлиб ўтади, деб хабар беради Ўзбек телеграф агентлиги (ЎзТАГ).
Форум Ўзбекистон Республикаси Соғлиқни сақлаш вазирлиги, Ўзбекистон радиологлар жамияти ва бошқа ҳамкорлар кўмагида ташкил этилди.
Соғлиқни-сақлаш вазирлигидан хабар қилишларича, конференцияда компьютер томографияси соҳасидаги маҳаллий мутахассислари билан бир қаторда, И.М.Сеченов номидаги Биринчи Москва давлат тиббиёт университети вакиллари иштирок этиши кўзда тутилган.
Форум доирасида перфузион компьютер томографиянинг клиник қўлланилиши, юрак-қон томир патологиясини ташхислашда ҳажмли компьютер томография, оториноларингология ва офтальмологияда функционал компьютер томография имкониятларига бағишланган маърузалар тингланади.
Шунингдек, иштирокчилар ҳажмли динамик компьютер томография имкониятлари, ташхислаш ва даволашда рентгенохирургик усуллардан замонавий аспектларда фойдаланиш, шунингдек, МРТ 1,5 ва ЎТ (ўриндош терапия)нинг клиник иловаси мавзуларини муҳокама қиладилар.
