Тошкентда россиялик саксофончининг концерти бўлиб ўтади
Тошкент. 30 июл. ЎзТАГ – 5 августда Тошкентда таниқли россиялик саксофончи Николай Моисеенко иштирокида маҳорат дарси ва концерт бўлиб ўтади, деб хабар беради Ўзбек телеграф агентлиги (ЎзТАГ).
Ташкилотиларнинг берган хабарига кўра, тадбирлар Игорь Тен гуруҳи иштирокида пойтахтдаги “ТЧК” марказида ўтказилади. Гуруҳ таркибига И.Тен (саксофон), Юнус Ражабий (танбур), Санжар Турсунов (клавиша), Семен Конов (гитара), Андрей Просвирнов (бас-гитара) ва Владислав Немтинов (зарбли асбоблар) кирган.
Эслатиб ўтакизки, Николай Моисеенко – россиялик саксофончи, Гнесинлар номидаги Россия мусиқа академияси ва дунёга машҳур Berklee College of Music (АҚШ) жаз коллежининг битирувчиси.
У Франция, Эстония, Люксембург ва бошқа мамлакатларда гастролларда бўлган. Таниқли жаз фестиваллари иштирокчиси. Marcus Miller, Meshell N'Degeocello, David Fiuczynski, Eric Legnini, Kenwood Dennard, Maria Schneider, Louis Cato, Игорь Бутман, Сергей Мазаев, Алексей Чумаков каби таниқли артистлар билан бирга ишлаган.
