Тошкентда Славян ёзуви ва маданият куни нишонланди
Дата: 11:50, 26-05-2016.
Тошкент. 26 май. ЎзТАГ – Россия Фан ва маданият марказида (РФММ) “Россотрудничество” ваколатхонаси кўмагида Славян ёзуви ва маданият куни нишонланди, деб хабар беради Ўзбек телеграф агентлиги (ЎзТАГ).
РФММдан хабар беришларича, “Славян бозори” деб номланган тадбирда славян халқларининг мусиқий, қўшиқчилик, поэтик маданияти тақдим этилди.
Концерт дастурига ёшлар томонидан, шунингдек, Тошкентдаги украин, белорус, татар, поляк ва бошқа миллий маданий марказларнинг ижодий жамоалари иштирокидаги чиқишлар киритилди.
Шу ернинг ўзида Россия, Ўзбекистон, Болгария, Польша, Беларусь, Чехия миллий таомлари ярмаркаси ташкил этилди. Меҳмонларни славян халқларининг миллий кийимларини кийиб олган ёшлар кутиб олдилар.
