Тошкентда совуқ сув тарифлари кўтарилди

Тошкент. 26 апрель. ЎзТАГ - Тошкентда 24 апрелдан совуқ сув тарифлари кўтарилди, дея хабар беради Ўзбекистон телеграф агентлиги (ЎзТАГ).

"Сувсоз" корхонаси маълумотларига кўра, пойтахт ҳокимияти (маъмурият) совуқ сув учун янги нархларни тасдиқлади.

"Ҳокимнинг 2018 йил 12 январдаги 69-сонли қарорига мувофиқ, Тошкент шаҳри истеъмолчилари учун 2018 йил учун ичимлик суви таъминоти хизматлари тарифларига 1м3 учун 100 сўм миқдорида махсус устама киритилади", дейилади хабарда.

Қайд этилганидек, канализацияланган хусусий уйларда 1м3 сув учун 715 сўмга (аввал – 615 сўм) оширилди, канализациясиз уйларда харажатлар аввалги тарифда– 380 сўмда қолди.

Марказлашган иссиқ сув таъминоти билан кўп қаватли уйларда яшовчи аҳоли учун 1м3 иссиқ сув нархи 1050 сўмни (аввал 850 сўм), марказлаштирилмаган иссиқ сув таъминоти учун 715 сўмни (615 сўм) ташкил этади.

Эслатиб ўтамиз, 13-апрель куни президент Шавкат Мирзиёев қарор қабул қилди, унга мувофиқ Ўзбекистонда иссиқ ва совуқ сув тарифлари қайта кўриб чиқилади ва совуқ ва иссиқ сув ҳисоблагичларини хатловдан ўтказади.

Бундан олдин совуқ сув тарифлари ноябрь ва декабрь ойларида кўтарилди.

Сурат манбаи: asninfo.ru