Тошкентда тарихий “Тўмарис” спектаклининг премьераси бўлиб ўтади
Тошкент. 16 август. ЎзТАГ – 19 августда Республика Киночилар уйида тарихий “Тўмарис” спектаклининг премьера намойиши бўлиб ўтади, деб хабар беради Ўзбек телеграф агентлиги (ЎзТАГ).
“Спектаклдаги барча ролларни “Ўзбеккино” Миллий агентлиги қошидаги “Киноактер театр студияси” актёрлари ижро этадилар. Сюжет асосида Жавдот Илёсовнинг “Қонли ўлим” романида келтирилган тарихий воқеалар ётади”, - деб хабар беришди Маданият ва спорт ишлари вазирлигида.
Хусусан, спектаклда қадим Малака Тўмариснинг Турон тахтига чиқиши, форслар подшоси Кирнинг унга турмушга чиқишни таклиф қилиши ва шу орқали маликанинг мамлакатига эгалик қилмоқчи бўлиши воқеалари баён этилган. Шу сабабли Тўмарис Кирга турмушга чиқишдан бош тортади ва Ўрта Осиё халқлари тарихидаги энг қонли жанглардан бири бошланади.
