Тошкентда тинчлик ҳукм сурмоқда
Тошкент. 30 август. ЎзТАГ – Каримовнинг вафоти ҳақидаги миш-мишлардан кейин ҳам Тошкентда тинчлик ҳукм сурмоқда, деб хабар беради Ўзбек телеграф агентлиги (ЎзТАГ) Ўзбекистон пойтахтидаги манбага асосланган ҳолда.
“Каримовнинг вафоти ҳақидаги баъзи хорижий ОАВ томонидан тарқатилган миш-мишлардан кейин ҳам Тошкентда вазият тинч”, - деб аниқлаштирди у.
Манбанинг сўзларига кўра, Тошкент, анъанага кўра, Мустақиллик байрами арафасида байроқ, плакат ва шиорлар билан безатилган.
“Ҳуқуқни муҳофаза қилиш кучларининг кучайтирилгани, шаҳарда ҳарбийлар бўлгани кузатилмаяпти. Транспорт чекловларсиз ҳаракат қилмоқда. Маҳаллий телеканал ва радиостанциялар одатдагидай ишламоқда, байрам дастур ва концертлари берилмоқда”, - деб таъкидлади у.
Манбанинг сўзларига кўра, кишилар кескин ўзгаришларни исташмаяпти. “Кишиларнинг кайфиятини “ишқилиб охири баҳайр бўлсин!”, ишқилиб уруш бўлмасин ва радикал ислом бошини кўтармасин”, деган сўзлар билан ифоладаш мумкин” - деди у.
Олдин хабар қилингани каби, куни кеча турли ОАВ Ислом Каримовнинг вафоти ҳақида хабар бердилар. Ўз навбатида, РИА Новостининг президент маъмуриятидаги манбаси бу маълумотни рад қилди.
Эслатиб ўтамизки, 28 августда Ўзбекистон Вазирлар Маҳкамаси президент стационар даволанишда эканлигини, “У тўлиқ тиббий кўрикдан ўтиши зарур, бу эса маълум вақт олади”, - дейилган эди расмий хабарда.
Кейинроқ Ислом Каримовнинг кичик қизи Лола Каримова-Тиллаева отасининг инсульт олгани ҳақида маълум қилди.
Маълумот ўрнида, Ислом Каримов Ўзбекистонга раҳбарлик қилишни 1989 йилда, Ўзбекистон Компартиясининг биринчи котиби лавозимини эгаллаганидан кейин бошлаган эди. У 1990 йил 24 мартда Ўзбекистон Олий Кенгашининг сессиясида президент этиб сайланган.
Кейинчалик, Каримов 1991 йилдаги умумхалқ сайловларида ғалаба қозонган. 2002 йил 27 февралда бўлиб ўтган умуммиллий референдум доирасида президентлик ваколатларини 5 йилдан 7 йилгача узайтириш ҳақида қарор қабул қилинган.
